Mijëra protestues bashkohen në sheshin e Prishtinës   

Protestuesit e opozitës, si zakonisht po mbajnë në duar flamuj kombëtarë, ndërsa po vazhdojnë me thirrjen për rënien e qeverisë Mustafa

Mijëra qytetarë të Kosovës i janë përgjigjur thirrjes së opozitës për të kundërshtuar në qendër të kryeqytetit, Prishtinë, dy marrëveshjet e Qeverisë së kryeministrit Isa Mustafa, me Serbinë për Asociacionin e Komunave me shumicës serbe dhe me Malin e Zi për demarkacionin e kufirit. Opozita tashmë po kërkon dorëheqjen e qeverisë dhe shkupjan e  vendit në zgjedhje të reja.

Protestuesit e opozitës, si zakonisht po mbajnë në duar flamuj kombëtarë, ndërsa po vazhdojnë me thirrjen për rënien e qeverisë Mustafa.

Ish-lideri i Lëvizjes Vetëvendosjes, Albin Kurti, i pyetur pse në protestë nuk ka flamuj të Shtetit të Kosovës, ka thënë: “Populli vendos se me çfarë flamujsh do të dalë në protestë”. Kurse për atë se si do të përfundojë protesta, Kurti ka thënë se do të jetë paqësore.

“Protesta do të jetë paqësore, do të vazhdojmë me marsh në sheshet kryesore të Prishtinës. Në sheshin “Skënderbeu” do të mbajnë fjalime”, ka thënë ai mediat e Kosovës.

Edhe liderët tjerë opozitarë kanë paralajmëruar protestë paqësore, ndërsa Fatmir Limaj, kryetar i partisë Nisma për Kosovën, ka kërkuar nga protestuesit të bashkëpunojnë me policinë. Por, është masa ajo që herën e kaluar nuk i dëgjoi liderët, po përdori koktej molotovi dhe gur në drejtim të objektit qeveritar.