Mijëra apartamente në Cyrih jepen me qira si Airbnbs

pixabay

Pavarësisht mungesës së vazhdueshme dhe gjithnjë e më të theksuar të banesave në qytetin e Cyrihut, numri i apartamenteve që jepen me qira përmes Airbnb është në rritje. Aktualisht, 5,320 njësi banimi po përdoren për qëllime afatshkurtra në këtë platformë, përcjell albinfo.ch.

Sipas të dhënave të reja të publikuara nga Zyra e Statistikave të Cyrihut, pjesa më e madhe e këtyre apartamenteve ndodhet në Distriktet 1 dhe 4, ku përqindja e banesave të kthyer në Airbnb është veçanërisht e lartë.

Të dhënat tregojnë se ky fenomen është në rritje pothuajse në të gjitha distriktet, duke ulur ndjeshëm numrin e banesave të disponueshme për qiramarrësit e zakonshëm. Autoritetet lokale dhe organizatat e strehimit shprehin shqetësimin se ky trend po përkeqëson situatën tashmë të vështirë të tregut të qirave në Cyrih.