Mësuesja zvicerane që ushtroi dhunë fizike ndaj nxënësit, nuk përjashtohet

Raportohet se një mësuese e moshës 61 vjeçe nuk është përjashtuar nga shkolla, e cila ditë më parë ushtroi dhunë fizike ndaj një nxënësi, përcjell albinfo.ch.

Raportohet se ngjarja të ketë ndodhur në një shkollë në Lengnau, në kantonin Aargau, të Zvicrës.

Për shkak se nxënësi ishte i zhurmshëm, ajo humbi durimin, duke e goditur për dere dhe më pas duke e goditur dy herë.

Ngjarja rrëfehet kur mësuesja lajmëron nënën e adoleshentit dhe i tregoi se çfarë kishte ndodhur. Sipas raportit, nëna pyeti me mosbesim – dhe mësuesja u përgjigj: “Çfarë do të kishit bërë në këtë situatë? Jam e sigurt që edhe ti do ta kishe goditur”.

Raportohet se pas denoncimit, mësuesja është dënuar me një gjobë prej mbi 1 000 franga zvicerane për sulme të shumta. Megjithatë, ajo mund të vazhdojë të japë mësim në shkollën e rrethit në Lengnau.