Messi dhe Ronaldo “në shtëpi”

Dy yjet e futbollit botëror, Lionel Messi dhe Cristiano Ronaldo janë eliminuar nga Botërori

Foto: Twitter FIFA

Uruguai ka mundur Portugalinë me rezultat 2:1, duke u kualifikuar në çerekfinale të Botërorit, ku do të ndeshet me Francën, që eliminoi Argjentinën, shkruan albinfo.ch.

Golin e parë në këtë ndeshje e shënoi Edinson Cavani në minutën e shtatë pas asistimit të Luis Suarez. Në pjesën e dytë, portugezët e nisën më mirë duke barazuar me Pepen në minutën e 55-të me kokë, por vetëm shtatë minuta më vonë, Cavani shënoi sërish një gol të bukur për 2:1. Deri në fund më nuk kishte gola dhe kështu Uruguai kaloi tutje.

Franca ka eliminuar Argjentinën në një duel të jashtëzakonshëm që përfundoi 4:3.

Griezmann nga penalltia, Pavard një herë dhe Kylian Mbappe realizuan dy herë për francezët, që u kualifikuan në çerekfinale, kurse për argjentinasit shënuan Di Maria, Mercado dhe në fund Aguero.

Ky ishte një lojë triler, ku francezët kaluan në epërsi me anë të Griezmann, por më pas erdhi përmbysja e argjentinasve, por ‘Tre Kolorët’ nuk u dorëzuan nga dhe 1:2, ishin në epërsi në 4:2. Në minutat shtesë Aguero ngushtoi diferencën në 4:3, por pa arritur të bëjë më shumë.

Ky ishte një botëror jo shumë i suksesshëm për Lionel Messi, me vetëm një gol të shënuar, një asistime dhe një penallti të humbur.

https://www.youtube.com/watch?v=U9YhQqdnI74

https://www.youtube.com/watch?v=jkzxfS94HwM

https://www.youtube.com/watch?v=zxiGyGtESnE

https://www.dailymotion.com/video/x6n98v5