Mësimdhënësve të viteve ’90-a u njihet kontributi

Të gjithë mësimdhënësit kontributdhënës gjatë viteve 1990-99 në Kosovë, mund të aplikojnë në Drejtoritë Komunale të Arsimit për njohjen e përvojës së punës

Qeveria e Kosovës ka arnuar që t’ua njeh kontributin të gjithë mësimdhënësve kosovarë që kanë punuar paralelisht gjatë viteve ’90-a, kur Kosova administrohej nga Qeveria e dhunshme e Serbisë. Këtë vendim e kanë konfirmuar sot, publikuar Ministra e Arsimit, Ministra e Punës dhe Mirëqenies Sociale dhe Sindikata e Arsimit.

Sipas këtij njoftimi, të gjithë mësimdhënësit kontributdhënës gjatë viteve 1990-99 në Kosovë, nga sot mund të aplikojnë në Drejtoritë Komunale të Arsimit për njohjen e përvojës së punës për vitet e punës në periudhën 1990-1999, pagesat e të cilave do të bëhen nga 1 janari 2017 në mënyrë retroaktive.

Një vërtetim i tillë është bërë publik  nga ministri i Arsimit, Arsim Bajrami, ministri i  Punës dhe Mirëqenies Sociale, Arban Abrashi si dhe kryetari i Sindikatës së Bashkuar të Arsimit, Shkencës dhe Teknologjisë, Rrahman Jasharaj.

“Sot edhe zyrtarisht jemi zotuar se do të njohim përvojën e punës së mësimdhënësve të viteve nëntëdhjeta për skemat pensionale. Është ky një hap shumë i domosdoshëm, një hap shumë i mirëpritur që mësimdhënësve që kanë punuar dhe kanë rezistuar në kohën më të vështirë, në kohën e mbijetesës së sistemit arsimor, t’u njihet përvoja e punës dhe ata të marrin pension të dinjitetshëm dhe të merituar”, tha ministri Bajrami.

Ndërsa ministri i Punës Arban Abrashi tha se pagesa e mësimdhënësve do të bëhet varësisht nga vitet e shërbimit.

Kryetari i Sindikatës së Arsimit, Rrahman Jasharaj, tha se dita e sotme është një arritje e madhe e të gjithëve mësimdhënësve të viteve ’90-a.

“Nga sot të gjithë mësimdhënësit e Kosovës që pensionohen do të jenë të barabartë me kolegët e tyre dhe do ta gëzojnë pensionin e plotë të punës edhe do të kenë mundësi të aplikojnë për përshkallëzimin e pensioneve”, ka deklaruar Jashari.