Merr fund rezistenca, arrestohet vrasësi i policit

Pas disa orësh përpjekje, shtetasin që vrau me kallashnikov policin e Forcave Shqiptare, Altin Qato është arrestuar nga forcat RENEA

Forcat e mëdha të policisë së Shqipërisë të ndihmuara edhe nga njësitet speciale të forcave RENEA, kanë arritur ta arrestojnë, pas disa orësh përpjekje, shtetasin që vrau me kallashnikov policin e Forcave Shqiptare, Altin Qato. I arrestuari dhe vrasësi është David Qosjanga rajoni i Lezhës.

Sipas njoftimeve nga Shqipëria, forcat e policisë, të ndihmuara nga repartet RENEA kanë ndërhyrë me një autoblindë dhe gaz lotsjellës për të ndaluar vrasësin, i cili ishte mbyllur në banesën e tij. Në vendin e ngjarjes, për të mbikëqyrur dhe koordinuar operacionin ka qenë i pranishëm edhe nëndrejtori i përgjithshëm i Policisë së Shtetit, Altin Qato, njoton TCH.

Ngjarja e rëndë ndodhi në orët e paradites, kur Qosja, i njohur në zonë si person me probleme mendore por i padokumentuar si i tillë, nisi të qëllonte në ajër me automatik.

Të alarmuar, banorët lajmëruan policinë dhe menjëherë drejt vendit të ngjarjes u nisën efektivët e Forcave të Ndërhyrjes së Shpejtë, të cilat u gjendën nën breshërinë e plumbave të qëlluar nga autori. Për pasojë gjeti vdekjen efektivi Ardian Kodra, 50 vjeç.

I arratisuri i kishte vënë flakën shtëpisë së tij dhe ishte skajuar në një qosh të katit të dyte, ndërsa kallashin tentoi ta fshehte në një arën me misër, ku edhe u kap nga forcat RENEA.