Merkel mban fjalimin lamtumirës

Kancelarja gjermane, Angela Merkel, ka mbajtur një fjalim emocional lamtumirës për partinë e saj  demokratike  në pushtet (CDU), nga e cila dha dorëheqje.

“Vlerat tona liberale duhet të mbrohen, brenda dhe jashtë”, tha ajo.

Ajo lë të kuptohet se po e mbështeste Annegret Kramp-Karrenbauer për t’ia dalë mbanë, duke lavdëruar punën e saj elektorale si kryeministre e Saarlandit, përcjell albinfo.ch.

Rivali kryesor i zonjës Kramp-Karrenbauer në votimin e CDU-së të premten është avokati milioner, Friedrich Merz.

Kanditati i tretë është ministri i Shëndetësisë, Jens Spahn, i cili thuhet të ketë më pak mundësi për të fituar.

Në fjalimin e saj ajo paralajmëroi për sfida të ashpra përpara, përfshirë ndryshimet klimatike, ruajtjen e unitetit evropian dhe përballimin e Brexit-it.

Ajo i kujtoi CDU-së sukseset e tjera zgjedhore vitin e kaluar, duke mos përmendur pengesat e këtij viti në zgjedhjet shtetërore, të cilat ishin goditje të rënda për të.

“Unë nuk kam nevojë të jem kryetare e partisë që të mbetem e lidhur me këtë parti dhe unë jam ende kancelare”, tha ajo.

Ajo u zgjodh kancelare për herë të parë në vitin 2005 dhe nuk do të rikandidojë pas vitit 2021.

 

 

 

 

 

 

 

 

 

---