Lajme

Merkel: Thellësisht e bindur për Laschet-in si pasues

E shtunë, 21 Gusht 2021 - 19:00 albinfo.ch

EPA/FELIPE TRUEBA

Kancelarja gjermane, Angela Merkel, tha se është “thellësisht e bindur” nga kandidimi i Armin Laschet, udhëheqës i konservatorëve, për ta pasuar atë si kancelar pas zgjedhjeve të përgjithshme.

“Ka qenë gjithmonë e rëndësishme për të që të vendosë dinjitetin individual dhe të patjetërsueshëm në qendër të gjithçkaje”, theksoi Merkel gjatë një tubimi fushate në Berlin, raporton Afp, përcjell Albinfo.ch.

“Jam thellësisht e bindur se pikërisht me këtë qëndrim ai do t’u shërbejë gjermanëve si kancelar”, shtoi ajo, ndërsa kandidati i partisë së saj, CDU, po has në vështirësi dhe po humb vrullin në sondazhe.