Mehmeti e shpie FC Zurich një raund më tej

Ekipi i FCZ gjendet në raundin e ardhshëm  kualifikues të Ligës së kampionëve evropianë. Më tepër se 70 minuta, FCZ ishte në numër më të madh dhe fituan ndeshjen ndaj ekipit të Standard Liege duke i falënderuar golit të shënuar nga sulmuesi shqiptar për rezultatin përfundimtar 1:0.

Ekipi i FC Zürich, në ndeshjen kthyese të Ligës së kampionëve evropianë, ka treguar një lojë shumë më të mirë se sa në ndeshjen e parë duke mposhtur kampionin bel Standard Liege. Në 20 minutat e para nuk kishte ndonjë rrezik për të shënuar, por ekipi luante me kujdes të dukshëm.

Momenti kyç i ndeshjes ndodhi në minutën 21`depërtoi nëpër tërë mbrojtjen e ekipit kundërshtar dhe më në fund u ndalua me lojë të palejuar nga futbollisti Yoni Buyens. Penallti dhe karton të kuq për futbollistin belg, një vendim i ashpër dhe vendimtar për ndeshjen.

Penalltinë, sipas një rregulli të pashkruar e gjuajti vet Admiri, por portieri mysafir arriti ta mbrojë atë. Epërsia e FCZ ishte se ekipi i Standardit është dashur të luajë për plot 70 minuta me një lojtar më pak.

Që nga ky moment, FCZ i mori penjtë në duar të veta dhe me kombinime të shumtë, dëshmoi një lojë të kujdesshme dhe kualitative. Nga ekipi kundërshtar nuk u vërejt më pothuajse asgjë dhe portieri zviceran praktikisht ishte i “papunë”.

Në minutën 58`, Mehmedi e korrigjoi gabimin e tij dhe shënoi një gol të mrekullueshëm, duke vendosur rezultatin përfundimtar. Tashmë, ekipi i FCZ duhet të llogarisë një ndeshje me njërin nga ekipet e mëdha të  Bayern München, Arsenal London apo Olympique Lyon. Shorti pritet të tërhiqet të premten në ora 12.00.