Bota

Më shumë të papunë nëpër botë

E mërkurë, 20 Janar 2016 - 10:30 albinfo.ch

Organizata Ndërkombëtare e Punës ILO pret që numri i të papunëve në dy vjetët e ardhshëm të rritet nga rreth 197 milionë sa janë aktualisht, në më shumë se 200 milionë njerëz në mbarë botën.
Gjatë 2015-ës numri i njerëzve pa punë është rritur në rreth 700 mijë, shkruan ILO në një raport.

Në vitin aktual përafërsisht 2.3 milionë njerëz mund të humbin vendet e tyre të punës, ndërsa deri në vitin 2017 edhe më shumë 1.1 milionë të tjerë.

Arsyeja kryesore e një zhvillimi të këtillë është, sipas agjencisë së OKB-së, që ekonomia në vendet në zhvillim, si Brazili, Rusia dhe Afrika e Jugut, është në rënie.