Më shumë banesa të lira në Zvicër

45.748 banesa ishin të lira në fillim të qershorit. Bëhet fjalë për 5740 banesa të pabanuara më shumë në krahasim me vitin e kaluar

Për herë të parë pas shtatë vjetësh numri i banesave të lira në Zvicër është rritur për një për qind. Më 1 qershor janë regjistruar 45.748 banesa të lira. Në krahasim me vitin e kaluar thuhet të jetë një rritje e konsiderueshme. Por ekspertët mendojnë ndryshe.

Enti Statistikor i Zvicrës (FSO) ka bërë të ditur nëpërmjet një studimi të fundit se numri i banesave të lira është rritur për herë të parë që nga viti 2007. Thuhet të jetë një rritje më shumë se një për qind të banesave të lira. 45.748 banesa ishin të lira në fillim të qershorit. Bëhet fjalë për 5740 banesa të pabanuara në krahasim me vitin e kaluar, që paraqet një rritje prej 14 për qind, njofton Enti Statistikor Federal.

Nivelin prej 1 për qind e ka relativizuar Shoqata e Qiramarrësve (TM).

“Bëhet fjalë për një përmirësim shumë të vogël në tregun e patundshmërive”, tha Michael Tongi, sekretar i përgjithshëm i Shoqatës së Qiramarrësve.

Në studim thuhet se në 19 kantone është rritur numri i banesave të lira. Banesa më pak të lira kishte në kantonet Basel-Stadt, Basel-Landschaft dhe Aargau. Rritja më e madhe është regjistruar në Gjenevë, më pas në Bernë, Fribourg, Solothurn, Neuchâtel dhe Jura.

Norma më e lartë në nivel kantoni sa i përketë banesave të lira ka qenë 2.25 për qind në kantonin Jura. Në tërë Zvicrën banesa më të shpeshta të lira janë ato 4 dhomëshe.