Më së shumti marrin kredi për vetura në Zvicër

(KEYSTONE/Eddy Risch)

Çdo person i tretë ka marrë tashmë një kredi personale.

Zvicra konsiderohet si vendi i kursimeve. Por, a është ky perceptim i saktë? Shërbimi i krahasimit në internet “moneyland.ch” ka anketuar 1500 njerëz duke zbuluar se rreth 85 për qind e tyre kanë marrë tashmë një kredi private ose një formë tjetër financimi të paktën një herë, përcjell albinfo.ch.

Sipas anketës, zviceranët kanë më shumë gjasa të jenë në borxhe për shkak veturave (44%), vështirësitë financiare (30%), të tilla si shpenzimet e njëpasnjëshme, të tilla si trajtimi dentar dhe dekorimi i brendshëm (26%). Të anketuarit më të rinj 18-25 thanë se më shpesh marrin kredi për elektronikë (36%),vetura (34%) dhe për udhëtime (33%).

Për më tepër shpesh si arsye për të marrë një kredi janë shlyerja e borxheve (25%), familja (23%), elektronikë (21%), renovimi i shtëpisë ose banesës (20%), taksat (19%) dhe shkollim ose studime (18%).

Në krye të listës së formave të financimit, kredi private nga të afërmit apo anëtarët e familjes janë në 41 për qind, pasuar nga hipotekat (38%).

Sipas sondazhit, kreditë leasing për automjete janë gjithashtu të përhapura. Pagesat e pjesshme me kartela krediti ose një kredi personale nga një bankë (33% secila) janë gjithashtu të njohura.