Me “kallash” në dorë hyn në ambientet e universitetit!

Personi i kërkuar është gjetur në bodrumin e ndërtesës së kolegjiumit. Pushka e tij automatike nuk kishte qenë e mbushur ndërsa karikatorin e saj ai e mbante ndaras

Lajmi se një person kishte hyrë në ambientet e Universitetit zë Bazelit, i armatosur me një pushkë automatike, ka shkaktuar një mobilizim të madh të policisë. Kjo ngjarje e pazakonshme ka ndodhur të martën (dje) rreth orës 14.40 dhe ka shqetësuar të pranishmit. Ndërsa arsyetimi i të riut 24 vjeçar ishte “Interesant”: kam pasur të shkoja në mbrëmje për të kryer obligimin e shenjëtarisë (në kuadër të shërbimit ushtarak).

Me të marrë lajmin për personin e armatosur në universitet, policia ka bërë bllokimin e ndërtesës dhe ka kontrolluar atë në hollësi, njoftojnë në Departamentin për Siguri të qytetit të Bazelit. Shkruan albinfo.ch. Përfundimisht, personi i kërkuar është gjetur në bodrumin e ndërtesës së kolegjiumit. Pushka e tij automatike nuk kishte qenë e mbushur ndërsa karikatorin e saj ai e mbante ndaras, thuhet më tutje në komunikatën e policisë.

Për policinë, rasti tashmë konsiderohet i mbyllur. Por, masa eventuale ndaj 24 vjeçarit, mun d të marrë policia ushtarake.