Me Fake News kundër demonstratave për klimën

Fotografia është bërë vërtet në këtë vend dhe bërllogu është gjithashtu i vërtetë, por fotografia është shkrepur në vituin 2016, pas përfundimit të parakalimit “Street Parade”

Kjo fotografi e postuar në facebook po e bën “xhiron” e saj prej një javësh dhe po merr shumë pëlqime. Ajo, në pamje të parë, tregon se si “duket” sheshi para Stacionit hekurudhor Stadelhofen të Cyrihut, pas një demonstrate për klimën. Por kjo tablo me kaq shumë mbeturina në fakt nuk ka të bëjë fare me demonstratat në fjalë, që u zhvilluan gjithandej nëpër Zvicër javën e kaluar, shkruan 20minuten.ch.

Fotografia është bërë vërtet në këtë vend dhe bërllogu është gjithashtu i vërtetë, por fotografia është shkrepur në vituin 2016, pas përfundimit të parakalimit “Street Parade”, që tradiciomnalisht mbahet në gusht, në hapësirat rreth liqenit të Cyrihut.

Edhe anëtarja e stafit të lartë të koncernit SBB, Kathrin Amacker kishte pozuar atëbotë para kësaj pamje të pahijshme për të apeluar kundër ndotjes së asaj hapësire dhe për të ndihmuar një fushatë për mbledhjen e mbeturinave, transmeton albinfo.ch. Plot 98 tonelata mbeturina kishin mbetur rrugëve pas përfundimit të Street Parades së atij viti.

Ndërsa ata që e kanë përhapur fotografinë e rrejshme në fb kishin shkruar: ”Kështu dukej (kjo hapësirë) pas demonstratës klimatike. Unë jam krenar me të rinjtë, pasi që ata e dinë se për çfarë bëhet fjalë”, tranmseton albinfo.ch. Kjo fotografi me mbishkrimin e përmendur është shpërndarë së paku 2500 herë në fb.

Ndërsa agjencia e fotografive, e cila e ka bërë këtë fotografi që është manipuluar, e ka kritikuar ashpër këtë veprim, duke e quajtur atë si keqpërdorim të paskrupullt për të hedhur baltë mbi lëvizjen klimatike.

---