Me BMW-në e tij 18-vjeçari përplaset në garazhin e BMW-së

Të shtunën në mbrëmje, një 18-vjeçar, shtetas i Maqedonisë ka humbur kontrollin mbi makinën e tij të tipit BMW dhe ka hyrë në oborrin e një garazhi të BMW-së, shkruan blick.ch. Me atë rast është përplasur me dy makina të po këtij lloji, që ishin të ekspozuara aty.

Aksidenti ka ndodhur në Bachenbülach të Kantonit të Cyrihut.

Nga kjo përplasje është shkaktuar një dëm prej rreth 100 mijë frangash, transmeton albinfo.ch. Shoferi 18-vjeçar dhe dy shoqëruesit e tij, 17, respektivisht 18-vjeçar, nuk kanë pësuar lëndime.

Policia Kantonale e Cyrihut dhe Prokuroria Publike Winterthur/Unterland janë duke zhvilluar hetimet rreth shkakut të aksidentit.