“Mbretëreshë e verës” në Gjermani, një refugjate siriane

Ninorta Bahno, është emri i refugjates siriane, e cila është kurorëzuar “Mbretëreshë e verës” e Trierit, qytetit të lashtë, i cili gjendet në kufirin perëndimor të Gjermanisë me Luksemburgun, raportojnë mediat gjermane.

Bëhet fjalë për një studente siriane 26-vjeçare, e cila është bërë refugjatja e parë që kurorëzohet “mbretëreshë” e njërit prej rajoneve të prodhimit të verës në Gjermani.
E krishtera siriane, e cila ka ikur nga lufta në Siri para tre vjetëve e gjysmë, do ta kalojë vitin e ardhshëm duke përfaqësuar prodhuesit lokalë të verës në dhjetëra ngjarje në rajonin Moselle.