Mbingarkohen spitalet në Angli, raste të shumta me Omicron

(KEYSTONE/Ti-Press/Alessandro Crinari)

Teksa varianti Omicron vazhdon të përhapet në Angli, në Londër po rritet presioni ndaj spitaleve. Të shtunën ambulancat u rreshtuan jashtë spitalit Barnet, pa mundur të fusin pacientët brenda, pasi nuk kishte vende.

Aktualisht në Britani numërohen mbi 14 milionë raste të konfirmuara me koronavirus që nga nisja e pandemisë dhe rreth 150 mijë persona kanë ndërruar jetë.

“Emergjencat janë të mbushura me pacientë. Nuk ka pasur njëkohësisht një lirim të pacientëve dhe ambulancave u është dashur të presin në radhë. Në ditët e fundit ka pasur deri në 8 orë pritje për të takuar një doktor, sidomos në orët e natës”, thotë Dr. Russell Durkin, nga Shërbimi i Emergjencave në Londër.