Mbi 400 miliardë nga remitancat

Banka Botërore për Migracionin dhe Zhvillimin: Sivjet remitencat do të jenë 6.5 për qind më të larta se në 2011

Ekspertët e Bankës Botërore konsiderojnë se fluksi i remitancave drejt vendeve në zhvillim këtë vit ka shënuar një rritje prej 6. 5 për qind, duke tejkaluar parashikimet paraprake. Sipas një raporti të BB-së për Migracionin dhe Zhvillimin, sivjet remitencat do të jenë mbi 406 miliardë dollarë. “Remitancat drejt vendeve në zhvillim pritet të rriten me 7.9 për qind në 2013, 10.1 për qind në 2014 dhe 10.47 për qind në 2015 për të arritur në 534 miliardë dollarë në 2015”, konsideron banka botërore, raporton Shekulli. Remitancat në rrafsh botëror, përfshirë ato drejt vendeve me të ardhura të larta, siç thuhet në raport, pritet të arrijnë 534 miliardë dollarë në 2012 dhe parashikohet të rriten në 685 miliardë dollarë në 2015. Megjithatë, pavarësisht rritjes se përgjithshme në fluksin e remitancave drejt vendeve në zhvillim, kriza ekonomike globale, sipas BB-së, po e redukton fluksin e tyre drejt disa rajoneve.  “Evropa dhe Azia Qendrore dhe Afrika Sub-Sahariane janë veçanërisht të ndikuara, ndërsa Azia Jugore, Lindja e Mesme, si dhe Afrika e Veriut  pritet të jenë më mirë nga sa ishte parashikuar fillimisht”, thuhet në raportin e BB-së. Ndërkaq, rritje të qëndrueshme në fluksin hyrës të remitancave konsiderohet rajonet dhe vendet me numër të lartë emigrantësh në vendet eksportuese të naftës. “Për Azinë Jugore, remitancat në 2012 priten të jenë 109 miliardë dollarë, me një rritje prej 12.5% nga viti i kaluar”, thuhet në raport.   Ndërkaq ajo që përmendet si shqetësuese në këtë raport është kostoja e lartë e dërgimit të parave, e cila është mesatarisht 7.5 për qind në tremujorin e katërt të 2012…