May: Rënia e IS-it një çast historik

Kryeministrja britanike, Theresa May e cilësoi sot si një fazë historike rënien e kalifatit të vetëshpallur të grupit Shteti Islamik (ISIS), duke bërë thirrje që të vazhdohet lufta kundër xhihadistëve.

“Ne nuk duhet të humbasim nga sytë kërcënimin që përfaqëson ISIS-i dhe qeveria (britanike) qëndron e vendosur që të zhdukë ideologjinë e tyre të dëmshme”, deklaroi ajo në një komunikatë.

“Ne do të vazhdojmë të bëjmë atë që është e nevojshme për të mbrojtur popullin britanik dhe aleatët tanë”, theksoi kryeministrja Theresa May.