Masat që Aeroporti i Prishtinës i ka ndërmarrë për parandalimin e Covid 19

Foto Bujar Gashi

Zëdhënsja e Aeroportit Ndërkombëtar të Prishtinës, Valentina Gara përmes një konference për shtyp ka njoftuar për masat që ky aeroport ka ndërmarrë për parandalimin e përhapjes së COVID 19 si dhe sigurimin e udhëtarëve përmes këtij aeroporti, shkruan albinfo.ch.

Gara tha se përveç dezinfektimit të hapësirave nëpër të cilat parashihet të kalojnë udhëtarët, gjithashtu në objektin e aeroportit do të lejohen të hyjnë vetëm ata persona që do të udhëtojnë, pa shoqërues.

Gjithashtu me të hyrë në hapsirat e aeroportit, udhëtarëve do të ju mbatet temperatura dhe në rast se do të kenë temperaturë të lartë, do të njoftohet Instituti i Shëndetësisë Publike, përcjellë albinfo.ch.

Udhëtarëve do të ju duhet të mbajnë edhe distancën e rekomanduar nga Organizata Botërore e Shëndetësisë, 1.5m.

Gjithashtu janë rregulluar edhe ulëse me largësi 1.5m, pa maska nuk do të lejohen. Gjithashtu do të ju duhet të kalojnë në një hapësirë ku do të ju dezinfektohen rrobat./albinfo.ch/