Marrëveshje për ​njohjen reciproke të sigurimeve shoqërore

Marrëveshja është arritur pas 4 muajsh negociatash mes Gjermanisë dhe Shqipërisë.

Tashmë ka mbetur vetëm miratimi i marrveshjes në Kuvendin e Shqipërisë dhe në Bundestagun gjerman.

Burime zyrtare nga Ministria e Mirëqënies Sociale dhe Rinisë kanë bërë  të ditur për DW, se gjatë këtij muaji në Tiranë do të mbrijë nga Gjermania një grup ekspertësh për të përmbyllur procesin, në prag të kalimit të marrveshjes në parlamentet e të dyja vendeve, përcjell albinfo.ch.

Marrëveshja ka të bëjë pikërisht me të dyja kategoritë: ata që arrijnë moshën e pensionit dhe janë nënshtetas gjermanë do t’ju llogariten vitet që kanë punuar në Shqipëri.

Ata që janë nështetas shqiptarë dhe kanë arritur moshën e pensionit do t’u njihen edhe vitet që kanë punuar dhe paguar kontributet për sigurim shoqëror dhe shëndetësor në Gjermani. E njëjta skemë vlen edhe për gjermanët që punojnë në Shqipëri.

Burime zyrtare nga Minstria e Mirëqënies Sociale dhe Rinisë thanë  se nga marrveshja e sapomiratuar do të përfitojnë rreth 20 mijë shtetas shqiptarë, të cilët kanë derdhur kontributet e sigurimeve në Gjermani.

Me fjalë të tjera kjo do të thotë që ata do të marrin pension për vitet që kanë punuar në Shqipëri dhe për ato që kanë punuar në Gjermani, natyrisht nëse kanë derdhur kontributet shoqërore dhe shëndetësore.

Marrveshja dypalëshe Gjermani-Shqipëri për njohjen e ndërsjelltë të kontributeve të sigurimeve shoqërore shtrihet përtej pensionit. Ajo do të zbatohet edhe për degë të tjera të sigurimit të detyrueshëm si sigurimi për sëmundje, lejet e lindjes, sigurimi për aksidente në punë dhe sëmundje profesionale, sigurimi reciprok i të punësuarve, përfitime të papunësisë dhe përfitime familjare.

Shqipëria ka nënshkruar marrëveshje për njohjen reciproke të kontributeve të sigurimeve shoqërore dhe shëndetësore edhe me Belgjikën, Çekinë, Luksemburgun, Kanadanë, Maqedoninë dhe pritet finalizimi i marrëveshjes edhe me Hungarinë, ndërsa me Rumaninë dhe Austrinë vazhdojnë bisedimet.

Negociatat janë hapur dhe po vazhdojnë edhe me 14 vende të tjera në Europë. Italia dhe Greqia, dy vendet ku është numri më i madh i emigrantëve nga Shqipëria, mbeten ende jashtë këtij procesi