Maqedonia pritet të shpallë 7 ditë zie për shkak të tragjedisë

Qeveria e Maqedonisë së Veriut pritet të shpallë 7 ditë zie kombëtare pas tragjedisë së Koçanit, ku pësuan 59 të rinj dhe 155 mbetën të lënduar pas zjarrit në një diskotekë.

Siç raportojnë mediat atje, Qeveria pritet të mbajë mbledhje në orën 16:00, ku do të merret vendimi për ditët e zisë kombëtare, raporton albinfo.ch.

Ndërkohë, pritet të merret gjithashtu një vendim për një inspektim të menjëhershëm dhe të jashtëzakonshëm në të gjitha klubet e natës, diskotekat dhe restorantet që organizojnë festa.