Maqedonia pret deri në fund të vitit ide për emrin

Zoran Zaev, ka njoftuar se shteti i tij do të pres ide për emrin vetëm deri në fund te vitit në mënyrë që të zgjidhet konteksti me Greqinë

Kryeministri i Maqedonisë, Zoran Zaev, ka njoftuar se shteti i tij do të pres ide për emrin vetëm deri në fund te vitit në mënyrë që të zgjidhet konteksti me Greqinë.

Ai ka kërkuar nga i dërguari i OKB-së, Metju Nimic, të sjellë propozime të reja.

Zaev shtoi se pret që kjo çështje të zgjidhet me dialog mes dy vendeve. “Unë mbetem me pritjen se problemi do të zgjidhet me dialog të udhëhequr nga kombet e bashkuara nga Metju Nimic. Pres që deri në fund të këtij viti dhe në fillim të vitit të ardhshëm të ketë ide të reja nga Nimic për zgjidhjen e kësaj çështje por jam i bindur se ambienti pozitiv që ekziston në rajon dhe marrëdhënia pozitive e Maqedonisë me të gjithë këto vende si dhe me Greqinë, të jenë pikënisje për zgjidhjen e kësaj çështje të ndjeshme”, deklaroi kryeministri Zaev, përcjell albinfo.ch.