Maqedoni: Mërgimtarë po shesin shtëpitë në vendlindje

Në qytetin e Tetovës janë shitur një numër i madh i shtëpive

Mbrëmë në një emison në Alsat M, profesori dhe ish-drejtori i Agjencisë së Emigracionit, Seadin Xhaferi ka shprehur shqetësime lidhur me zbrazjen e vendbanimeve shqiptare në Maqedoninë e Veriut.

Po ashtu, ai ka theksuar se në qytetin e Tetovës janë shitur një numër i madh i shtëpive, dhe se kjo është tregues se njerëzit tjetërkund po ndërtojnë jetë.

Sipas tij, në të ardhmen ndoshta mërgimtarët as kufomat e tyre nuk do të kërkojnë të ju kthehen në vendlindje ose ndoshta Maqedonia do kthehet në vendbanim të kufomave.

“Tetova në këtë vit ka patur 15 shtëpi të cilët mërgimtarët i kanë shitur, edhe atë jo të rinj por prindërit e atyre. Pse? Thonë i shesim këta nga shkaku se ka krijuar kushte tjera edhe ai nuk kthehet më. Parashtrohet pyetja, vetë mërgimtarët që kanë një status të caktuar, të rregullt, kush e di kufomat a do i sjellin këtu me përjashtim që Amerika ka nis më të mos i sjellë. Siç më tha njëri, ne mund të bëhemi vetëm vendbanim kufomash asgjë tjetër”-tha mes tjerash Xhaferi, përcjell albinfo.ch.

---