Maqedonia

Maqedoni e Veriut: 40 të infektuar me koronavirus

Në Maqedoninë e Veriut janë regjistruar 40 raste të reja me koronavirus në 24 orët e fundit. Ky është numri më i lartë i të infektuarve në shtetin fqinj që nga 16 prilli, kur ishin shënuar 107 raste.

E enjte, 21 Maj 2020 - 16:20 albinfo.ch

(KEYSTONE/Jean-Christophe Bott)

Në anën tjetër, nga Instituti i Shëndetit Publik në Maqedoninë e Veriut është thënë se janë shëruar 11 persona. Në 24 orët e fundit janë bërë 549 testime. Ndërkohë brenda 24 orëve të fundit ka vdekur një person nga COVID-19.

Numri i përgjithshëm i rasteve të diagnostikuar me koronavirus në Maqedoninë e Veriut është 1898, ndërsa prej tyre 1378 janë shëruar. 111 raste kanë përfunduar me fatalitet, shkruajnë mediat shqiptare, përcjell albinfo.ch.