Maqedoni: 101 raste të reja dhe 5 të vdekur nga Covid-19

KEYSTONE/EPA/GEORGI LICOVSKI

Gjatë 24 orëve të fundit në Maqedoninë e Veriut janë regjistruar edhe 101 raste të reja me koronavirus, si dhe është raportuar për 5 viktima të reja.

Nga rastet e reja 57 janë në Shkup, 13 në Kumanovë, 1 në Dibër, 3 në Shtip, 19 në Tetovë, 1 në Strugë dhe Veles, 2 në Manastir, 1 në Ohër dhe Gostivar dhe 2 raste në Resnjë.

Ndërsa viktimat janë njëri nga Shkupi, dy nga Kumanova dhe nga një në Strugë dhe Gostivar.

Sot Instituti për Shëndet Publik regjistroi 22 pacientë të shëruar. 11 janë nga Shkupi, 10 në Tetovë dhe një nga Velesi.

Deri tani janë bërë gjithsej 51.160 testime për koronavirus.

Numri i përgjithshëm i të diagnostikuarve në Maqedoninë e Veriut që nga fillimi i epidemisë është 5.106, numri i pacientëve të shëruar është 1.926, ndërsa numri i të vdekurve është 238. Momentalisht janë 2.972 raste aktive me Covid-19, përcjell Albinfo.ch.