Manifest për barazinë e pagave

Baza ligjore për pagat e barabarta është vendosur në vitin 1981 por meshkujt ende fitojnë 19% më shumë

Pabarazia e pagave në mes të meshkujve dhe femrave, është një dukuri shqetësuese edhe për vendet me mirëqenie të lartë si Zvicra. Përkundër masave të ndryshme të sensibilizimit dhe ligjeve detyruese, femrat vazhdojnë të jenë të diskriminuara në këtë aspekt.

Për të ndryshuar këtë gjendje, Federata e Sindikatave të Zvicrës (SGB) ka lansuar një manifest përmes të cilit kërkon barazi të pagave në mes të grave dhe burrave. Më shumë se 2200 persona e kanë nënshkruar këtë manifest brenda tri ditëve. Kjo, siç deklaron SGB, tregon se sa aktuale dhe urgjente është kjo problematikë.

Manifesti është lansuar  pak ditë para Ditës Ndërkombëtare të Gruas, 8 Marsit.

Baza ligjore për paga e barabarta në mes të meshkujve dhe femrave në Zvicër është vendosur që nga viti 1981. Ndërsa në vitin 1996 kjo barazi është bërë edhe pjesë e kushtetutës federale. Por asnjëra nga këto masa nuk kanë ndikuar në zhdukjen ose zvogëlimin e pabarazisë. cc.

Në mesin e nënshkruesve të manifestit janë edhe personalitete të njohura nga skena politike e Zvicrës si ish ministret Ruth Dreifuss dhe Micheline Calmy-Rey. Më tutje vijnë edhe 27 deputetë nacionalë nga partitë SP/PS, të Gjelbrit, GLP. Ndërsa përfaqësues në ekzekutiv të CVP/PDC, EVP, GLP, SP/PS dhe të të gjelbërve bëjnë pjesë po ashtu në mesin e nënshkruesve.