CH-Ballkani
Mali i Zi ndalon duhanin në vendet publike, gjobat janë marramendëse
Sipas këtij ligji të ri, duhani ndalohet në të gjitha ambientet publike të mbyllura, përfshirë restorantet, kafenetë
Qeveria malazeze ka nxjerrë së fundmi një ligj të ri, i cili ndalon pirjen e duhanit në ambientet e brendshme publike, një sfidë kjo shumë e madhe për një vend ballkanik që ka një prej normave më të larta të pirjes së duhanit, jo vetëm në rajonin e Ballkanit, por edhe në Evropë.
Sipas Institutit të Shëndetit Publik, më shumë se një e treta e personave madhorë malazezë janë konumatorë të rregullt të duhanit.
Sipas këtij ligji të ri, duhani ndalohet në të gjitha ambientet publike të mbyllura, përfshirë restorantet, kafenetë etj.
Përjashtim nga ky ligj bëjnë kazinotë, ku duhani ende lejohet. Gjobat për të gjitha ato biznese që nuk do ta respektojnë këtë ligj të ri fillojnë nga 500 euro deri në 20,000 euro, transmeton monitor.
Ditën e djeshme të gjitha kafenetë në Podgoricë vendosën njoftime, ku shkruhej se ndalohej duhani në ambientet e brendshme, përcjell albinfo.ch.
Por si ndaj çdo ligji të ri, edhe ndaj këtij nuk kanë munguar kritikat.
“Ky ligj është thjesht një hipokrizi e përsëritur. Nëse ai do të ishte një nismë e Institutit të Shëndetit Publik, atëherë konsumi i duhanit do të ndalohej edhe në të gjitha kazinotë e vendit”, u shpreh Dusan, një konsumator i rregullt i duhanit.
Mali i Zi, që shpreson të bëhet shumë shpejt pjesë e Bashkimit Evropian, e ka nxjerrë edhe më 2004 një ligj të tillë, i cili nuk u zbatua kurrë”, përfundoi Dusan.
Edhe rregulloret e miratuara në vitin 2012, të cilat vendosnin taksa shtesë për të gjitha restorantet që kishin vazhduar të lejonin konsumin e duhanit brenda ambienteve të tyre, ishin gjithashtu joefikase.
Por, sipas deklaratës së fundit të ministrit të Shëndetit, Kenan Hrapoviq, ministria do të sigurohet që kësaj herë ky ligj të zbatohet me përpikmëri.
Të ngjashme
Të tjera nga CH-Ballkani
E-Diaspora
-
RAI Calabria i jep zë identitetit arbëresh përmes dokumentarëve RAI Calabria po vazhdon angazhimin e saj në dokumentimin dhe promovimin e trashëgimisë arbëreshe në Itali.... -
Samiti i Diasporës Shqiptare rikthehet me edicionin e katërt -
Duartrokitet shfaqja e filmit “Shame and Money” të Visar Morinës në Amerikë -
Hamburg
Promovohet libri “Skënderbeu – Një hero arbëror i Evropës” më 7 shkurt në Hamburg -
Diaspora
Diaspora rrit të ardhurat e Kosovës +4% më shumë në vitin 2025
Jeta në Austri
-
Hendeku buxhetor i Vjenës për vitin 2025 u reduktua në 2.8 miliardë euro Vjena pret që deficiti buxhetor i vitit 2025 të arrijë në total 2.8 miliardë euro, 1... -
Studimi: Të rinjtë në Austri përdorin më pak mediat sociale, rritet përdorimi i chatbot-eve me inteligjencë artificiale -
Vjena planifikon shtëpi të mbyllura në grup për shkelësit e përsëritur nën moshën 14 vjeç -
Austri
Rinesa Salijaj nga Istogu, kandidate për Asamble Komunale në St.Pölten të Austrisë -
Pranon fajin në tërësi: Tre vjet e gjysmë burg për kosovarin












