Majlinda Kelmendi i sjell Kosovës fitoren e parë olimpike

Luftën e parë olimpike xhudistja më e mirë në botë, Majlinda Kelmendi e ka fituar me Ipon, pasi ka mposhtur zviceranen Evelye Tschopp

Majlinda Kelmendi ka sjellë gëzimin e parë olimpik për kosovarët nga Rio.  Kampionia e botës, Majlinda Kelmendi ka shënuar fitore në ndeshjen e parë në Lojërat Olimpike, pasi ka mposhtur zviceranen Evelye Tschopp.

Pas vetëm 30 sekondash luftë, Majlinda ka rrëzuar me ipon rivalen e saj Tschopp, për të kaluar në çerekfinale të Lojërave Olimpike.

Majlinda Kelmendit, pas startit të mirë i  duhen edhe tri fitore për të arritur te medalja e artë.