Majko: Dështuam në pjesëmarrjen e diasporës në zgjedhje

Për këtë, ministri Majko ka thënë se bart përgjegjësi por realizimin e këtij synimi, sipas tij e ka vështirësuar edhe nevoja për ndryshimin e ligjit përkatës...

Në njërin nga panelet e zhvilluara në kuadrin e Samitit të Dyrë të Diasporës, të mbajtur në Tiranë, pjesëmarrës, mes tjerësh, kanë qenë edhe ministri i Shtetit për Diasporë, Pandeli Majko dhe ministri i Diasporës, njëherësh zëvendëskryeministër në Qeverinë e Kosovës, Dardan Gashi.

Në fjalën e tij të shkurtër, Majko veç tjerash ka thënë se në kohën mes dy samiteve ka pasur zhvillime pozitive sa i përket trajtimit të diasporës nga Qeveria Shqiptare, raporton albinfo.ch nga punuimet e samitit në fjalë. Por, ai me këtë rast ka thënë se e pranon dështimin e tij e të qeverisë në një pikë: në synimin për t`i mundësuar diasporës marrjen pjesë në zgjedhje.

Për këtë, ministri Majko ka thënë se bart përgjegjësi por realizimin e këtij synimi, sipas tij e ka vështirësuar edhe nevoja për ndryshimin e ligjit përkatës dhe këtë e kanë pamundësuar konstelacionet politike në Parlament.

---