Macron dhe Merkel, të gatshëm për organizimin e Samitit të Parisit

Ambasada e Francës në Kosovës, përmes një njoftimi ka bërë të ditur se presidenti francez, Emmanuel Macron dhe kancelarja e Gjermanisë, Angela Merkel, janë shprehur të gatshëm të organizojnë “Samitin e Parisit” në mes të Kosovës dhe Serbisë.

Po ashtu Franca dhe Gjermania presin që dialogu në mes të Kosovës dhe Serbisë të nisë sa më shpejt.

“Franca dhe Gjermania presin që dialogu në mes të Kosovës dhe Serbisë të rinisë së shpejti. Bashkë, kancelarja Merkel dhe presidenti Macron mbeten të gatshëm për të organizuar një Samit në Paris”, përcjell Albinfo.ch.