Lucerni do të kujdeset vetëm për azilkërkuesit

Kantoni i Lucernit nga 2017-a do të kujdeset vetëm për refugjatët dhe azilkërkuesit e pranuar. Kështu, organizimi i azilit dhe refugjatëve do të thjeshtohet, thuhet në një njoftim, përcjell albinfo.ch.

Në dhjetor të vitit 2015 Caritas kishte informuar se pas negociatave me Kantonin e Lucernit nuk kishin arritur asnjë marrëveshje për një kontratë të re nga 2017.

Autoritetet kantonale kanë bërë të ditur se kishin vendosur që të mos shpallin ndonjë tender publik që të gjejnë një organizatë që do të kujdesej për refugjatët  e tyre.

Sipas Erwin Roos, sekretar i departamenteve për shëndetësi dhe çështje sociale, thotë se me këtë vendim do të “shpëtojnë disa qindra-mijëra franga”.

Caritas tashmë ishte i detyruar të heqë dorë nga kujdesi për azilkërkuesit në këtë kanton që nga fillimi i 2016-ës.

Caritas ishte kujdesur për refugjatët që nga viti 1987. Në çështjet e azilit kishin punuar rreth 70 njerëz në Caritas.