Muzikë

Loredana, vjen për herë të parë me këngë në gjuhën shqipe

E enjte, 8 Prill 2021 - 12:20 albinfo.ch

Loredana, këngëtarja shqiptare, e cila prej vitesh jeton dhe vepron mes Zvicrës e Gjermanisë, thuajse të gjitha projektet deri më tani i ka publikuar në gjuhën gjermane, transmeton albinfo.ch.

Ajo po vazhdon të jetë shumë e kërkuar edhe në tregun muzikor shqiptar.

Artistja, e cila shquhet për vokalin e veçantë, këtë herë do të vijë me një këngë tërësisht në shqip.

Lajmin e ka bërë të ditur përmes një postimi të shpërndarë me fansat në InstaStory, të cilin fillimisht e publikoi në TikTok.

“Nëse don don don, baby hajde me mu”, thotë në një pjesë të prezantuar nga projekti. Duket se mezi po pritet nga fansat që ka në trojet shqiptare, reagimet e të cilëve ishin shumë pozitivë.

Loredana po ashtu ka nisur punën edhe për një album të ri, në bashkëpunim me partnerin e saj, Mozzik, me të cilin është ribashkuar sërish.