Loredana për shkak të hetimeve anulon koncertet

Keystone EPA/VALDRIN XHEMAJ

Këngëtarja që akuzohet për mashtrim në shtetin e Zvicrës, Loredana Zefi ka njoftuar se i ka anuluar koncertet e saj për shkak të akuzave për hetim nga çifti zviceran, për të cilat është nën hetimin e Prokurorisë së Luzernit.

Ajo në një adresim për fansat e saj në Instagram u kërkoi falje fansave.

“Unë sot fatkeqësisht do ju jap një lajm jo të mirë. Kam anuluar të gjitha festivalet për këtë vit. Natyrisht, unë isha duke pritur me padurim për të festuar me ju, por tani është momenti i gabuar dhe shpresoj se ju do të keni mirëkuptim për këtë. Tani duhet të qartësoj disa gjëra dhe të mbledh veten sërish. Sapo të qartësoj gjërat, unë do festoj sërish me ju”, ka thënë ajo, transmeton albinfo.ch.

https://www.instagram.com/tv/BxxQK8_Fo8I/?utm_source=ig_embed