Lojtari që ka luajtur në Premier League, ka mundësi të zgjedhë Kosovën

Ai është Pajtim Kasami, 27-vjeçari që ka luajtur në disa skuadra të njohura

Lojtarët që nuk kanë luajtur me Kombëtare të tjera ndeshje zyrtare pas pranimit të Kosovës në FIFA dhe UEFA, mund të zgjedhin të veshin fanellën ‘dardane’.

Një prej tyre është edhe sulmuesi i Sionit, Pajtim Kasami, shkruan Indeksonline.

27-vjeçari, i cili ka luajtur në disa skuadra të njohura, si Palermo, Fulham si dhe në akademitë e Liverpoolit dhe Lazios, mund të zgjedhë të luajë për Kosovën.

Futbollisti me prindër nga Struga e Maqedonisë, nuk ka luajtur për Zvicrën një ndeshje zyrtare nga viti 2015 dhe mund të zgjedhë të luajë për Kosovën.

Pajtim Kasami shkëlqeu me Sionin, duke shënuar tri gola kundër Young Boys, përcjell albinfo.ch.

---