Lajme
Ndeshja Zvicër-Kosovë, në fokus të numrit më të ri të magazinës albinfo.ch
Veç tjerash, mund të lexoni prognozat për rezultatin e ndeshjes, nga personalitete të jetës publike shqiptare dhe zvicerane, si, sportistë, afaristë, artistë etj.
Nesër, më 29 mars, luhet në Cyrih ndeshja e futbollit në mes të Zvicrës dhe Kosovës. Edhe pse fjala është për një ndeshje miqësore, atë e kanë cilësuar ‘historike’, për faktin se është e para që zhvillohet në mes të kombëtares së Kosovës dhe asaj të Zvicrës. Përtej dimensionit historik, kjo ndeshje ka rëndësi për përbërjen e të dy ekipeve: Në “Nati”-n e Zvicrës luajnë të paktën tre futbollistë me rrënjë shqiptare, ndërsa, nga ana tjetër, një numër më i madh se ky i lojtarëve të ekipit kombëtar të Kosovës janë të lindur ose të rritur dhe të formuar pikërisht në Zvicër.
Sigurisht, kjo lidhje e shumëfishtë i jep ndeshjes një vlerë të shtuar, duke e bërë më shumë se një ndeshje të thjeshtë futbolli, një takim emocionues, si për lojtarët, ashtu dhe për shikuesit.
Duke pasur parasysh këtë peshë emocionale të ndeshjes Zvicër-Kosovë, albinfo.ch numrin më të ri të magazinës së saj ia ka kushtuar kësaj ndeshjeje, duke e parë atë nga kënde të ndryshme. Kështu, me këtë rast, krahas përshkrimit të kombëtareve, historive të tyre etj., ne kemi pasqyruar pritjet e shqiptarëve nga Zvicra, atyre nga Kosova si dhe zviceranëve lidhur me ndeshjen.
Prandaj në faqet e magazinës që sapo ka dalë nga shtypi mund të lexoni prognozat që japin për rezultatin e ndeshjes personalitete të jetës publike shqiptare dhe zvicerane, si, sportistë, politikanë, afaristë, artistë etj. Në veçanti interesante janë prononcimet e disa çifteve shqiptare-zvicerane në lidhje me ndeshjen. Prandaj, duke iu referuar lidhjeve që njerëzit e njëjtë kanë me të dyja kombëtaret, në ballinë dhe në editorial kemi vendosur titullin “Një zemër për dy kombëtaret”.
Krahas bllokut tematik kushtuar ndeshjes Zvicër – Kosovë, në këtë numër të revistës mund të lexoni edhe artikuj, intervista, portrete etj. mbi zhvillime dhe personalitete nga kultura, sporti, afarizmi etj.
Të ngjashme
Të tjera nga Lajme
E-Diaspora
-
Promovohet në Zvicër romani i Mimoza Hysës “Bijat e gjeneralit”, në përkthimin gjerman Autorja prezanton në bibliotekën "Pestalozi", në Cyrih romanin e saj të sapobotuar "Die Töchter des...
-
Avokati kërkon lirimin e menjëhershëm të shqiptarit të akuzuar për vrasje të dyfishtë
-
Mërgimtari humb jetën në vendin e punës, në Maltë
-
Kurti dhe Rozeta Hajdari vizituan Panairin e “Hannover Messe 2024”
-
Lea Ypi, “një yll i ri i fiksuar në qiellin filozofik”
Jeta në Austri
-
Katër gjëra që duhet të dini para se të regjistroni fëmijën tuaj në një kopsht fëmijësh në Vjenë Lëvizja në një vend të ri mund të jetë sfiduese, por stresi i gjetjes së kujdesit...
-
A mund të marr përfitime papunësie në Austri nëse jam i vetëpunësuar?
-
Bora zbardh Austrinë
-
Austri: Dënohet me 15 vjet burg, kosovari që sulmoi të dashurën me thikë dhe kaçavidë
-
Lumir Abdixhiku para bashkatdhetarëve në Vjenë, kërkon mbështetje për Lukas Mandl