Tiranë: Portieri i Partizanit hidhet nga kati i gjashtë i pallatit

Mbrëmjen e sotme një lajm i rëndë tronditi kryeqytetin dhe klubin e Partizanit. Portieri i tyre 24 vjeçar, Aldo Teqja, është hedhur nga kati i gjashtë i pallatit në lagjen “Komuna e Parisit”, Tiranë.

Mësohet se portieri i Partizanit është çuar me urgjencë në Spitalin e Traumës dhe sipas raportimeve, është jashtë rrezikut për jetën, përcjell albinfo.ch.

Newsport.al ka arritur të mësojë se pas përfundimit të ndeshjes Partizani-Teuta (1-1), lojtari ka qenë i pari i cili është larguar nga stadiumi, duke mos bërë dush me shokët e skuadrës. Aldo Teqja është gjithmonë larg vëmendjes së mediave, pasi qëndron pak i mbyllur në vetvete.

Nga raportimet e dëshmitarëve të zonës, newsport.al mëson se futbollistin e ka mbrojtur një pemë, e cila ka qenë poshtë pallatiti, duke ulur intensitetin e rënies. Portieri i Partizanit mësohet se ka rënë në një pjesë me bar, e cila e ka mbrojtur disi futbollistin.

Në vendgjarje kanë qenë të shumtë forcat e policisë, të cilët kanë qëndruar dhe pas marrjes së futbollistit nga ambulanca për të zbardhur të plotë ngjarjen.