Lluka: MZHE po ndërmerr çdo gjë për t`i hapur rrugë zhvillimit të Trepçës

Ministria e Zhvillimit Ekonomik është duke i ndërmarrë të gjithë hapat e nevojshëm që i hapin rrugë zhvillimit të kësaj ndërmarrje", ka shkruar ministri në facebook

Ministri i Zhvillimit Ekonomik, Valdrin Lluka ka vizituar sot ndërmarrjen Trepçës, ku u ka thënë punëtorëve atje se qeveria është në rrugën e duhur për të rregulluar shumicën e problemeve që hasin punëtorët e Trepçës.

“I informova që Qeveria e Kosovës, në bazë të ligjit mbi Trepçën të sponsoruar nga Ministria e Zhvillimit Ekonomik, ka bërë shpalljen e pozitave për Drejtorët e Bordit Mbikëqyrës, që është hapi i parë konkret drejtë aktivizimit të këtij gjiganti ekonomik. Në këtë bord, nga 9 pozita të hapura, 2 do të përfaqësohen nga punëtoret e Trepçës!

Ministria e Zhvillimit Ekonomik është duke i ndërmarrë të gjithë hapat e nevojshëm që i hapin rrugë zhvillimit të kësaj ndërmarrje”, ka shkruar ministri në facebook, transmeton albinfo.ch.