Levrat dhe Landolt sulmojnë bankën Credit Suisse

Ai ka drejtuar kritika ndaj shefave të mëdhenj të CS, duke kërkuar madje dorëheqjen e Urs Rohner, Brady Dougan dhe Romeo Cerutti

Banka e madhe zvicerane Credit Suisse ka kohë që sulmohet. Sulemt më të shumta viteve të fundit asaj i kanë ardhur nga SHBA dhe kanë pasur të bëjnë me evazionin fiskal që pretendohet se ajo sikur edhe banka të tjera të Zvicrës, u ka mundësuar kursimtarëve amerikanë.

Por sulmi më i fundit kësaj banke i vjen nga “brenda”, gjegjësisht nga kryetari i Partisë Socialdemokrate të Zvicrës, Christian Levrat. Ai ka drejtuar kritika ndaj shefave të mëdhenj të CS, duke kërkuar madje dorëheqjen e kryetarit të Bordit Administrativ Urs Rohner, kryemenaxherit  Brady Dougan dhe shefit për çështje juridike, Romeo Cerutti.

“Ata duhet të dorëhiqen pasi që përbëjnë ngarkesë për bankën. Madje ka qenë befasi përse ata nuk e kanë bërë këtë të premten, në asamblenë e përgjithshme. Kjo do të ishte shprehje përgjegjësie ndaj interesave të banjës dhe ndaj Zvicrës”, ka thënë Levrat për “NZZ am Sonntag”.

Sipas Levrat Credit Suisse po përpiqet të manipulojë nën mbrojtjen e shtetit.

Është interesante se kryetari i SP/PS-së me këtë rast ka marrë përkrahje edhe nga e djathta. Kryetari  BDP-së,Martin Landolt thotë se njerëzit e njëjtë, që edhe më parë kanë bartur përgjegjësi, me siguri nuk do të mund t`i zgjidhin problemet nga e kaluara.