Leuthard paralajmëron rritje çmimesh të karburanteve

Autmjetet sot shpenzojnë shumë më pak karburante dhe për këtë arsye kanë rënë të ardhurat nga taksat e karburantit

Ministrja e komunikacionit, Doris Leuthard në një intervistë dhënë gazetave “Sonntagszeitung” dhe “Le Matin” ka sinjalizuar mundësinë e rritjes së çmimit të karburanteve. Në të ardhmen Zvicrës do t`i duhet të investojë 1 deri 1.3 miliard franga në vit më shumë për rrugët se sa aktualisht. Për këtë arsye nevojitet ngritja e taksës për vajrat minerale. Çmimi i tyre nuk është përshtatur me ngritjen e çmimeve të produketeve tjera që nga viti 1974, ka thënë Leuthard. Veç kësaj, automjetet sot shpenzojnë shumë më pak karburante dhe për këtë arsye kanë rënë të ardhurat nga taksat e karburantit. Ndërkohë, nga viti 1990 e deri më tash shpenzimet për mirëmbajtjen e rrugëve janë rritur për më shumë se dyfish.

Për këtë arsye, Zvicra po humb para për të cilat ka nevojë shumë. “Duke shikuar nga aspekti i të kontributeve që paguan për shtetin, vozitësit sot paguajnë shumë më pak se më parë. Për këtë arsye ne nuk mund të mbulojmë koston e rrugëve, ka thënë ministrja.

Për lartësinë e taksës së vajrave minerale qeveria do të vendosë më vonë. Ngritja e fundit, në vitin 1974 ka qenë 36 rapë. Por sipas ministres, ngritja e ardhshme do të jetë dukshëm më e vogël.