“Let`s do it Kosova 2012”

"Let`s do it Kosova 2012" synon që në këtë ditë t`i nxjerrë në rrugë 50.000 vullnetarë për grumbullimin e mbeturinave

Më 24 maj Kosova do të marrë pjesë në fushatën gjithëbotërore “Let`s Do It World”.

“Let`s do it Kosova 2012” synon që në këtë ditë t`i nxjerrë në rrugë 50.000 vullnetarë për grumbullimin e mbeturinave.

Vlerësohet të jetë nisma më e madhe qytetare për pastrimin e vendit, tani edhe në qytetin tuaj, në fshatin tuaj, në lagjen tuaj, në tërë Kosovën!

Pjesë e lëvizjes globale “Let’s do it World”, e filluar në Estoni në vitin 2008 dhe e përhapur me shpejtësi marramendëse në të gjitha skajet e botës.Ftohen që atë ditë të festohet festa më e madhe e pastërtisë në vend!

“24 maj 2012, 37 komuna të Kosovës, 10 000 tonë mbeturina, 50 000 vullnetarë, 1 ditë, a jeni gati ?”, është motoja e “Let`s do it Kosova 2012”.

“Me 24 Maj do të fillojë një qasje e re ndaj mjedisit, duke qenë pjesë e lëvizjes Globale ne qytetarët e Kosovës ashtu si kemi treguar gjithmonë edhe kësaj radhe do ti tregojmë te gjithë botës se ne e duam vendin tonë, ne kujdesemi për të, ne jemi ata që meritojmë lëvizjen e lirë, e këtë më së miri mund ta dëshmojmë duke u bashkuar dhe të gjithë së bashku me 24 Maj TA PASTROJMË ç’do lagje, ç’do njollë nga pikat turistike, rrugët , ç’do njollë rreth e rrotull qytetit e fshatit, lagjes, do pastrojmë ç’do breg liqeni dhe ç’do breg lumi, do pastrojmë ç’do park. Me 24 Maj të gjithë së bashku Ta Pastrojmë Kosovën… Let’s do it!”, thuhet në thirrjen e organizatorëve “Let`s do it Kosova 2012”

Ministria e Ambientit është zotuar të japë përkrahje, FSK ka premtuar mbështetje teknike ndërsa Ministria e Arsimit do t`i mobilizojë shkollat.

Një grup studentësh, në vigjilien e aksionit të 24 majit ka publikuar në internet një hartë me deponitë më të këqija ilegale në Kosovë si dhe fotografi të shumta. www.letsdoitworld.org/wastemap  

Për Informata rreth aksionit mund të drejtoheni në faqen: http://www.letsdoitkosova.org/