Lajme
Lëshohet urdhërarrest për vëllain e Besar Nimanit

Gjykata e Qarkut në Bielefeld ka lëshuar urdhërarrest për vëllain e boksierit të ndjerë Besar Nimani, për tentim vrasje.
Berat Nimani po shihet si i dyshuari kryesor për plagosjen e katër personave të mërkurën para Gjykatës së Qarkut në Bielefeld, pas seancës gjyqësore ku Huseyin Akkurt po gjykohej për vrasjen e Besar Nimanit më 9 mars të vitit të kaluar. Akkurt është një nga dy personat që dyshohen se e vranë Nimanin me 16 plumba në Bielefeld të Gjermanisë vitin e kaluar.
Në mesin e katër të plagosurve të mërkurën, ishin edhe babai dhe vëllai i Akkurtit teksa raportohet se njëri nga të plagosurit është në gjendje të rëndë, transmeton albinfo.ch
“Gjyqtari hetues i Gjykatës së Qarkut në Bielefeld lëshoi një urdhërarrest ndaj këtij personi për katër akuza për tentim vrasje, që përfunduan me lëndime të rënda trupore”, thuhet në deklaratën e përbashkët të Prokurorisë dhe Policisë së Bielefeldit, raporton Bild.
Në ditën e parë të seancës gjyqësore, Berat Nimani kishte thënë për “Bild” se një nga vrasësit e Besarit është ende i lirë dhe se që nga vdekja e Besarit kanë jetuar me frikë të vazhdueshme.
Avokati i Nimanit, Peter Wuller, ka thënë se klienti i tij insiston në pafajësi dhe do të dorëzohet në ditët në vijim.
“Kam pasur disa kontakte me z. Nimani menjëherë pas aktit shumë gjakftohtë në mes të ditës në Bielefeld. Ai më kërkoi ta përfaqësoja. E gjithë situata është shumë konfuze. Pasi ta kem marrë një pasqyrë të plotë të rastit dhe të flas me prokurorin publik, klienti im do të shkojë në polici e do të dorëzohet”, tha Wuller. “Berat Nimani më siguron për pafajësinë e tij dhe thotë se nuk kishte asnjë lidhje me të shtënat para gjykatës së qarkut”.
Dëshmitarët pretendojnë se kanë parë Berat Nimanin dhe motrën e tij në një makinë të zezë që u largua nga vendi i ngjarjes. Pjesëmarrësit në gjyq po ashtu vunë re se të dy u larguan para kohe nga salla e gjyqit.
E-Diaspora
-
Ulen dënimet e kosovarëve të akuzuar për skllavërim të grave: Mungojnë faktet Gjykata e Lartë e ka rrëzuar ankesën e ish bashkëshorteve. Kryetari i trupit gjykues thotë se...
-
Konflikt mes shqiptarëve në Itali, vritet me thikë 35-vjeçari
-
Autoshkollë e re në Winterthur, flasin edhe shqip!
-
Kënga “Mora fjalë’ jehon në sheshin e Mynhen-it
-
Shqiptari nga Maqedonia, delegat i ri në UEFA
Jeta në Austri
-
Hetimi për aksidentin ajror në Graz në 2024 i kalon Zvicrës Autoritetet zvicerane kanë marrë zyrtarisht përsipër hetimin për aksidentin e fluturimit të kompanisë Swiss në Graz,...
-
Austri: Nxënësi 15-vjeçar pranon se ka dërguar kërcënime për bomba në tre shkolla
-
Pas Zvicrës edhe Austria i reagon Gjermanisë për kontrollet kufitare
-
Austri: Përfitimet e familjes dhe të fëmijëve të ngrira deri në vitin 2027
-
10 mitet e çiklizmit që nuk duhet t’i besoni në Austri