Lehtësohet adoptimi i fëmijëve në partneritet

Edhe çftet që jetojnë në konkubinat dhe ato me partnerë të gjinisë së njëjtë do të kenë të drejtë të bëjnë adoptimin e fëmijëve të partnerit/partneres

Në të ardhmen, adoptimi i thjeshtërve (fëmijëve të partnerit/partneres) do të jetë i mundur jo vetëm për bashkëshortët e kurorëzuar por edhe për partnerët që janë në lidhje tjera, alternative.

Komisioni juridik i Dhomës së Kantoneve ka votuar me 7 vota pro, 3 kundër dhe një abstenim që edhe çiftet që jetojnë në konkubinat dhe ato me partnerë të gjinisë së njëjtë (homoseksualë) do të kenë të drejtë të bëjnë adoptimin e fëmijëve të partnerit/partneres, raporton srf.ch.

Ndryshimi i ligjit duhet të sigurojë që në fokus të jetë mirëqenia e fëmijës, thuhet në njoftimin e bërë nga komisioni në fjalë. Ligji më tutje do të mundësojë që mosha minimale e lejuar e atij që adopton fëmijët e partnerit/es të zbritet nga 35 vjet sa ka qenë deri tash në 28 vjet, rekomandon komisioni i përmendur, transmeton albinfo.ch.

Por ligji po ashtu siguron që fëmija, pavarësisht nga aftësia për gjykim (pjekuria, mosha) duhet të pyetet ose të dëgjohet, para se të bëhet adoptimi.