Lazio ofron deri në 3 milionë për Mavrajn?

Drejtori sportiv i Lazios, shqiptari Igli Tare tashmë e ka kontaktuar Mavrajn gjatë kohës sa ky ishte në stërvitjet për kombëtaren e Shqipërisë

Për futbollistin e Greuther Fürth, kapitenin Mërgim Mavraj, ditëve të fundit po pëshpëritet se do ta ndërrojë klubin. Dukest se rënia e klubit Fürth nga bundesliga e parë, po del fitimprurëse për Mavrajn. Siç ka shkruar “Gazzetta dello Sport” e Italisë e të premtes, fituesi i Kupës Italiane “Lazio” e Romës e ka ndërmend ta blejë lojtarin e zonës së mbrojtjes, Mërgim Mavrajn. Ish lojtari i kombëtares gjermane U21 dhe lojtari aktual i kombëtares së Shqipërisë klubi italian duket se është i gatshëm t`i “numërojë” dy deri në tre milionë euro.

Sipas “Gazzetta…”, drejtori sportiv i Lazios, shqiptari Igli Tare tashmë e ka kontaktuar Mavrajn gjatë kohës sa ky ishte në stërvitjet për kombëtaren e Shqipërisë.

Mavraj, me FC Fürth është i lidhur me kontratë deri në vitin e ardhshëm. Në Romë ai do të luante në sektorin e mbrojtjes, bashkë me bashkatdhetarin e tij, Lorik Cana, në ato pozicione që mbajnë në kombëtaren e Shqipërisë, shkruan 24.de.