Alarmi i rrejshëm për bombë i kushton 90 mijë franga

41-vjeçarja nga Annecy francez ka bërë alarm të rrejshëm për të parandaluar takimin e burrit të saj me një të dashur të re

Një grua, për motive xhelozie kishte alarmuar në korrik në Aeroportin e Gjenevës një kërcënim për bombë.

Postblloqe në rrugët e hyrjes, kontrolle sistematike në të gjitha dyert, policë të armatosur me automatikë. Aeroporti i Gjenevës ishte më 27 korrik në gatishmëri të lartë.

Arsyeja e këtij mobilizimi, ishte një telefonatë për bombë. Një grua ka pretenduar këtu se një person do të vinte me një bombë në sektorin francez të aeroportit.

“Akti i xhelozisë”

Por kjo ishte një alarm i rremë. Kjo thirrje kësaj gruaje tani do t’i kushtoje shtrenjtë, shkruan “Le Matin”, përcjell albinfo.ch. Në fakt,  policia kantonale e Gjenevës, i dërgoi zonjës në fjalë një faturë prej 90 mijë frangash.

41-vjeçarja nga Annecy francez ka kërkuar për të parandaluar takimin e burrit të saj me një të dashur të re. Prokurori Eric Maillaud ka thënë se bëhej fjalë për një “akt të xhelozisë”.

Në aeroport ishin alarmuar 150 policë dhe doganierë. 41-vjeçarja ishte zbuluar menjëherë pas incidentit nga ana e autoriteteve dhe ishte dënuar me gjashtë muaj burgim.