Lara Colturi përfundon e teta në slalomin special në Are, Suedi

Keystone (AP Photo/Robert F. Bukaty)

Skiatorja shqiptare Lara Colturi arriti të renditet e teta në garën e slalomit special gjatë ndalesës së Kupës së Botës në Ski Alpine, e zhvilluar në Are të Suedisë.

19-vjeçarja përshkoi dy zbritje me kohën totale 1 minutë 45 sekonda e 44 të qindtat. Në raundin e parë, Colturi përfundoi në vendin e gjashtë, duke regjistruar 51.26 sekonda, dhe kaloi emra të njohur të skisë si Paula Moltzan, Camille Rast, Lena Duerr dhe Sara Hector. Zbritja e parë u dominua nga kampionia olimpike Mikaela Shiffrin, e ndjekur nga gjermania Emma Aicher dhe austriakja Katharina Truppe.

Në raundin e dytë, Colturi përshkoi pistën në 54.18 sekonda, duke përmbyllur garën me vendin e tetë në klasifikimin përfundimtar. Fitorja i shkoi Mikaela Shiffrin, ndërsa Emma Aicher u rendit e dyta dhe Wendy Holdener e treta.