Lansohet programi për subvencionimin e pajisjeve shtëpiake

Ministria e Ekonomisë në Kosovë ka lansuar “Thirrjen publike për mbështetjen e konsumatorëve familjarë në investimin në pajisje shtëpiake efiçiente dhe sistemin diellor për ngrohjen e ujit sanitar”.

Qeveria planifikon investimin e 75 milionë eurove për të zbutur ndikimin socio-ekonomik të krizës energjetike.

Të pranishëm në këtë organizim ishin edhe kryeministri i vendit, Albin Kurti, ministrja e Ekonomisë, Artane Rizvanolli dhe Alessandro Bianciardi nga Zyra e BE-së në Kosovë.

Kryeministri Albin Kurti tha se tashmë ky sektor i energjisë është dëshmuar me projekte të ndryshme që është kyç për qeverinë.

“Eficienca e energjisë përvec se ndikon në uljen e kostos, ndikon në reduktimin e emetimit të gazave serë dhe uljen e importit të energjisë. Kjo pako ka vlerën më të lartë për kokë banori në rajon. Kjo skemë nuk do të jetë e fundit, me ato që do t’i prezantojmë edhe javët në vijim”, tha Kurti, përcjell albinfo.ch.

Ndërsa, ministrja e Ekonomisë, Artane Rizvanolli, ka treguar më shumë sa u përket këtyre subvencioneve.

“Po fillojmë zbatimin e thirrjes më të re të përkrahjes së qytetarevë për eficiencë të energjisë. Këtë vit Ministria e Ekonomisë do të zbatojë programin e eficiencës, i cili kap shifren 15 milionë euro, e cila përfshinë për familje 10 milionë euro për pajisjet ngrohëse eficiente, pajisje shtëpiake efeciente, sisteme solare për ngrohjen e ujit sanitar si dhe sistemet solare… përmes së cilës synojmë të përfitojnë se paku 20 mijë qytetar. Sot po e lansojmë dy thirrjet e para për pajisje shtëpiake rrobalarëse, enëlarëese dhe frigorifer dhe sisteme diellore për ngrohje të  ujti ndërsa me të tjerat do te vazhdojme gjatë javëve në vijim”, tha Rizvanolli, përcjell albinfo.ch.

Disa nga mjetet që do të subvencionohen janë, frigoriferi, sistemi, makina rrobalarëse, sistemi diellor.