Kosova

Lajçak: Përgatitjet për takimin e 14 shtatorit po kryhen me shpejtësi

E diel, 10 Shtator 2023 - 22:20 albinfo.ch
Miroslav Lajčák

I dërguari i posaçëm i Bashkimit Evropian për dialogun Kosovë-Serbi, Miroslav Lajçak, ka thënë se në procesin e dialogut është duke punuar drejt “rezultateve pozitive”, ndërsa u shpreh se përgatitjet për takimin e 14 shtatorit po kryhen me shpejtësi.

Përmes një postimi në rrjetin social “Facebook”, Lajçak ka thënë se java e kaluar ishte e mbushur me punë përgatitore mbi takimin në Bruksel, ku do të takohen kryeministri i Kosovës, Albin Kurti dhe presidenti i Serbisë, Aleksandar Vuçiq, shkruan albinfo.ch.

Ndër të tjera, ai deklaroi se me zyrtarë të Gjermanisë kanë krijuar një strategji për rrugën përpara në dialog.

“Gjatë javës udhëtova në Berlin, ku pata diskutime të rëndësishme në Kancelarinë dhe Ministrinë e Jashtme Federale Gjermane…Ndamë pritshmëritë tona për takimin e nivelit të lartë dhe hartuam strategji për rrugën përpara. Përkushtimi dhe mbështetja e fuqishme nga Gjermania vazhdojnë të jenë të paçmueshme”, tha ai.

Lajçak ka përmendur edhe takime të tjera me zyrtarë evropianë, me të cilët tha se ka folur mbi dialogun Kosovë-Serbi.

 Të tjera nga Kosova

Hajdari për aktakuzën për rezervat shtetërore: Prokuroria Speciale ka tendencë politike ndaj Qeverisë Kurti

 E-Diaspora

 Jeta në Austri