Ky është liqeni akullnajor i Shqipërisë që po tërheq turistë

Në mes të bjeshkëve të Tropojës është i shtrirë një liqen, i cili çdo ditë e më shumë po shihet si atraksion për turistët. Në mënyrë të veçantë, për turistët e huaj.

Në mes të bjeshkëve të Tropojës është i shtrirë një liqen, i cili çdo ditë e më shumë po shihet si atraksion për turistët. Në mënyrë të veçantë, për turistët e huaj. Bëhet fjalë për Liqenin e Dashit në Doberdol të Tropojës, raporton Albinfo.ch.

Për këtë ka shkruar edhe kryeministri i Shqipërisë, Edi Rama, duke sjellë edhe pamje nga ky liqen.

“Liqeni i Dashit në Doberdol të Tropojës. I ruajtur me statusin e Monumentit të Natyrës, si një prej liqeneve më të mëdhenj akullnajorë, shtrirë mes kullotave alpine të Parkut Kombëtar të Alpeve të krijuar rishtazi këtë vit që zgjeroi sipërfaqen e zonave të mbrojtura në Shqipëri, ofron peizazhin piktoresk që është kthyer në një destinacion të vizitueshëm turistik”, ka shkruar Rama në Facebook.

Qeveria me vendim të datës 26 janar 2021 ka zgjeruar sipërfaqen e mbrojtur të Parkut Natyror “Alpet e Shqipërisë”, duke i kthyer ato në destinacion turistik.

Alpet Shqiptare janë ndër zonat më të frekuentuara nga turistët e huaj, por edhe ata vendas, për peizazhet spektakulare që ofrojnë edhe klimën e shëndetshme./Abinfo.ch

---