Kurti takon Lajçak-un në Greqi

Kryeministri i Kosovës, Albin Kurti, dhe i dërguari i Bashkimit Evropian për dialogun, Mirsolav Lajçak, zhvilluan takim mbi dialogun Kosovë-Serbi.

Zyra e Kryeministrit të Kosovës njofton se u diskutua mbi agjendën e takimit në nivel të lartë negociator që do të mbahet më 2 maj në Bruksel, përcjell albinfo.ch.

Mes tjerash, bëhet e ditur se u diskutua edhe për Marrëveshjen për normalizim të marrëdhënieve mes Kosovës dhe Serbisë.

“Kryeministri Kurti theksoi se Marrëveshja bazike duhet të zbatohet e plotë, pa vonesa dhe pa kushtëzime”, thuhet në komunikatë, përcjell albinfo.ch.

Po ashtu u bë e ditur se Kurti dhe Lajçak biseduan edhe për zgjedhjet lokale në Veri.

Emisari Lajçak u shpreh se pret takim të qetë.

“Do të jetë një hap i rëndësishëm përpara dhe është e rëndësishme të shmanget çdo veprim që mund të përkeqësojë atmosferën”, ka thënë Lajçak, përcjell albinfo.ch.

Takimi mes Kurtit dhe Lajçak u zhvillua në Greqi, në kuadër të Forumit Ekonomik në Delphi.